Новости

На 11.01.2012 год. Програмскиот директор Сашко Јованов во емисијата " Врати време" на Алфа тв ги промовираше активностите на Хуманост за 2012 година.

Хуманост во соработка со организација на жени на општина Центар и децата од СОС детско село во пресрет на Новогодишните и Божиќните празници на 24.12.2011 го посетија домот за стари лица Мери Терзиева и на лицата сместени во домот им приредија предновогодишна забава.

Хуманост од 21.11.2011 год. го превзема Генералниот секретаријат на Македонската Платформа Против Сиромаштија

Координативното тело за општествена одговорност на Комерцијална банка АД Скопје, во соработка со невладината организација "Хуманост", Здружение за унапредување на условите за грижа и сместување на стари и изнемогнати лица и "Берово транс", организираше средба и излет на 50 пензионери од Банката и лица сместени во установи, социјално исклучени, во местото Дељадровце, со посета на манастирскиот комплекс Св. Ѓоѓија.
Во придружба на стручен тим, како и претставници на Комерцијална банка, пензионерите од девет до три часот попладне се дружеа и се забавуваа прераскажувајќи си моменти од минатото, вицови и анегдоти. Во убаво и весело расположение, се пожалија дека "време беше некој да се сети на нив", а отец Грозде придонесе да се чувствуват уште подобро раскажувајќи им за историјата на манастирот Св. Ѓорѓија. По заедничкиот ручек продолжија со прошетки и разговораа и заклучија дека ова не смее да биде нивно последно дружење, тие имаат и надеж и желба и сили да бидат дел од случувањата во секојдневјето, да го кажат своето мислење и да споделат некоја мудрост. Се разделија со голема благодарност до организаторите и чувството дека, сепак, не се заборавени.

НВО Хуманост учествуваше на Прва конференција на лицата кои живеат во сиромаштија и социјална исклученост
Активистите на Македонската платформа против сиромаштија (MППС) и претставниците на граѓанските организации од цела Република Македонија, поддржани од нивните партнери од Европската мрежа против сиромаштија, Институтот за човекови права Лудвиг Болтцман и Австриската развојна соработка, од 26 до 28 септември 2011 година се собраа во Молика на Пелистер со цел го привлечат вниманието на јавноста за тешките услови во кои живеат и проблемите со кои се соочуваат граѓаните на Република Македонија, како и да ја донесат првата Декларација на лицата кои живеат во сиромаштија и социјална исклученост.
Активистите на MППС и претставниците на граѓанските организации од цела Република Македонија ја доставија Декларација на лицата кои живеат во сиромаштија и социјална исклученост до Министерството за труд и социјална политика, притоа барајќи поддршка од Владата на Република Македонија во нивните напори за справување со клучните предизвици во делот на политиките за невработеност, социјалната и здравствена заштита и родовата еднаквост.
Специфичните барања беа насочени кон спроведување на усвоените национални стратегии на координиран и ефикасен начин, обезбедување на подобри и подостоинствени услови за живот на лицата кои живеат во сиромаштија и социјална исклученост, преземање на одлучни чекори во реформирањето на националните политики и законодавство кои само ги зголемуваат постоечките предизвици со кои се соочуваат ранливите и маргинализирани социјални групи, како и следење на моделот на ЕУ за користење на благодетите кои ги нуди социјално инклузивното општество. На конференцијата учествуваа околу 120 лица и истата беше медиумски покриена од главните ТВ и радио станици во земјата.

Здружението Хуманост во соработка со Хотел Порта од о.Аеродром по повод 20 години од независноста на Македонија обезбедија организиран превоз за присуство на прославата на старите лица сместени од домот за стари лица во „Киро Крестески Платник“-Прилеп и бесплатно ноќевање во Хотел Порта.
Сметаме дека на овој начин ќе успееме да допридонесеме за нивна зголемена социјализација а воедно и заеднички да ја прославиме радоста за 20 години независна Македонија.

На 09.07.2011 год. во Националаната галерија "Мала Станица" НВО" Хуманост" одржа работилница насловена "Возрасни и креативни" во соработка со СОЖМ, а во исто време даде и поддршка на оформувањето на Women Unlimited Macedonia.

На 08.07.2011 год. Во емисијата Журнал на Сител ТВ. Програмскиот директор на Хуманост Сашко Јованов го промовираше тековниот проект проект " Сеопфатно истражување и анализа на потребите на формите за згрижување на старите лица во Град Скопје" финансиски поддржан од Град Скопје.

Извештај за донираните средства од еднодневните тренинзи на 100% Успех од Ксантика

На 29.06.2011 год. во емисијата "Врати време" на Алфа ТВ. Програмскиот директор на Хуманост Сашко Јованов го промовираше новиот проект "Сеопфатно истражување и анализа на потребите на формите за згрижување на старите лица во Град Скопје" финансиски поддржан од Град Скопје. Во емисијата исто така стана збор за апелот упатен од Хуманост до сите стари и изнемогнати лица да пријавуваат било какво злоупотребување извршено врз нив. За да ја прегледате емисијата посетете го нашиот официјален Youtube канал.

Од 19-21 Јуни во Прага на доделување на наградите на ЕРСТЕ Фондацијата за социјална интеграција 2011 присуствуваше Администартивниот директор на Хуманост, Мери Павловска.

Во емисијата "24 за Животот" на Прес 24 ТВ.Програмскиот дирекор на" Хуманост" Сашко Јованов го промовираше новиот проект " Сеопфатно истражување и анализа на потребите на формите за згрижување на старите лица во Град Скопје" финансиски поддржан од Град Скопје. За да ја прегледате емисијата посетете го нашиот официјален Youtube канал.

Од 14-15 Јуни во Охрид,Хотел Метропол претставник од Хуманост присуствуваше на Националната коференција –Квалитете во работењето на граѓанските организации.

На 28.05.2011 година во просториите на Даре Џамбаз беше одржана обука nа анкетарите од проектот "Сеопфатно истражување и анализа на потребите на формите за згрижување на старите лица во Град Скопје" за да видете повеќе фотографии посетете ја страната Фотогалерија.

На 25.05.2011 во емисијата "Зеднички ручек "на Канал 5 ТВ Административниот директор на НВО "Хуманост " Мери Павловска го промовираше новиот проект “ Сеопфатно истражување и анализа на потребите на формите за згрижување на старите лица во Град Скопје” поддржан од Град Скопје.

Интервју за емисијата "Рано Ден "на А1 ТВ на темата "Колку во Македонија е развиен ситемот за вонинститутционална грижа за старите лица даде" Програмскиот директор на НВО"Хуманост" Сашко Јованов

Здружението за унапредување на условите за грижа и сместување на стари и изнемогнати лица, со финансиска поддршка на Град Скопје, во период од 6 месеци ќе го реализира проектот ‘’Сеопфатно истражување и анализа на потребите за форми на згрижување на стари лица во град Скопје’’, со што би се подобрил квалитетот на живот на старите лица преку предлагање на форми за социјална заштита, кои ќе нудат услуги соодветни на потребите на старите лица.
Со истражувањето ќе бидат опфатени 996 стари лица над 65 години во општините со висок процент на старо население во град Скопје и тоа на подрачјето на Општините: Центар, Карпош, Кисела Вода, Аеродром, Ѓорче Петров, Гази Баба, Чаир и Бутел.

Тренинг центарот "Ксантика" Скопје,на 13 и 14 Мај 2011 година организира еднодневни тренизни"100% Упех!" во клубот B2. Излезете од зоната на конфорот,резервирајте термин кој вам најмногу ви одговара и подгответе се за акција! Со секој купен билет за овие тренинзи вие донирате 5% во невладината организација "Хуманост" Скопје, и со тоа ќе им помогнете на старите лица да добијат бесплатна помош во домашни услови. Покажете ја вашата хуманост и освестете моментот дека повредно е да се допречовечкиот живот од било која сума на пари! По завршување на тренингот детален извештај од донацијата че биде објавена на веб старната на Тренинг центар Ксантика-www.ksantika.com и на нашта веб страна.
Преземете ја брошурата ТУКА

Во конкуренција за наградата на ЕРСТЕ Фондацијата за социјална интеграција 2011 беше посилна од кога било, со конкурнтски 12 земји и со повеќе од 1850 проекти, поднесени во текот на три и пол месеци на повикот. Тежок и темелен процес на евалуација од страна на 24 членови на Комитетот Скрининг резултираше во 133 Финалисти од сите 12 земји(Босна и Хрецеговина, Хрватска, Чешка, Унгарија, Косово, Македонија, Молдавија, Црна Гора, Романија, Србија и Словачка)
Експерти од ЕРСТЕ Фондацијата ги посетија сите 12 земји заради евалуацијата на проектите. Сите 133 преокти ќе бидат презентирани на меќународно жири кои треба да изберат 30 проекти односно добитници на награда. Доделувањето и објавувањето на финалистите ќе се одрзи во Прага на 20 Јуни 2011 година.
Проектот "Големи и Мали" на Хуманост влезе во 133 проекти. Па среќно за во златните 30 проекти кои ќе добијат награда.
Кликнете тука за да ја видете листата на земји влезени во 133 проекти.
http://erstestiftung.org/integration-award/

На 14.01.2011 год. Во интервју за Алфа ТВ Програмскиот директор Сашко Јованов ја запозна јавноста со реализираните проекти на Хуманост, како и вклученоста на тимот на истата на конференциите во Брисел, на темите Социјална исклученост и Активно стареење.

На 12.01.2011 год. во емисијата Колосек на МТМ ТВ гостуваше Програмскиот директор Сашко Јованов кој ги образложи остварените активности на Хуманост во измината 2010 година.

На 03.01.2011 год. интервју за А1 ТВ на темата "Волонтерство" даде Програмскиот директор Сашко Јованов

На 6.12.2010 год. на темата "Социјална исклученост" во емисијата Колосек на МТМ ТВ гостуваше Програмскиот директор Сашко Јованов во која иста така го промовираше донаторскиот настан "Заедно за децата во ризик-Вклучи се и ти ! "
mtm

Во рамки на кампањата ‘’Секој трет македонец живее крпен живот’’ која има за цел подигање на свеста за постоење на сиромаштија и промовирање на пристапот заснован на човекови права како начин за надминување на сиромаштијата, Македонската платформа против сиромаштија (МППС) го организира донаторскиот настан – телетон, кој што ќе се одржи и емитува на 12.12.2010 (недела), на Македонската телевизија во терминот од 16.00 – 19.00 часот. - Преземи

На 17.06.2010 год. во емисијата “До пладне” на SKY NET TV, Програмскиот директор на Хуманост Сашко Јованов го промовираше проектот " Да го направиме Јосифово подобро место за живеење" како и отварањето канцеларија на Хуманост во Јосифово.

На 02.06.2010 год. во емисијата Колосек на МТМ ТВ. Програмскиот директор Сашко Јованов го промовираше проектот " Да го направиме Јосифово подобро место за живеење" и потпишувањето на меморандум за соработка со повеќе невладини организации во Р.Македонија.

На 05.06.2010 год. по иницијатива од страна на Општина Виница беше одржан информативно-работен состанок на кои што присутни беа претставници од самата оштина како и претставници од повеќе здруженија на граѓани кои што активно функционират во Виница.На овој состанок беше презентирано стекнатото позитивното искуство со реализација на проектот "Сервис за давање помош во домашни услови" од страна на Хуманост како и другите форми на вонинституционална заштита и идна соработка на Хуманост со здружениата на граѓани од Општина Виница.

На 21.12.2009 во емисијата Добро утро Македонијо со Сузана Апостолова на МТВ Програмскиот Директор Сашко Јованов и Административниот соработник Ивана Стојановска го промовираа новиот проект Големи и мали финансиран од Холандска амбасада како и меѓународните соработки со организации од В.Британија, Финска и Ирска.

На 18.12.2009 год. во емисијата Колосек сос Митко Симеонов на МТМ ТВ. Програмскиот Директор Сашко Јованов го промовираше новиот проект ГОЛЕМИ И МАЛИ финансиран од Холандска амбасада и започнувањето со реализација на истиот од Јануари 2010 год.

На04.12.2009 во емисијата Колосек со Митко Симеонов на МТМ ТВ. гостуваше Програмскиот Директор на НВО Хуманост каде што се збореше за ‘’Сервисот за давање нега во домашни услови’’, активностите што ги превзема здружението во овој период како и за оформувањето на платформата и задачите што следуваат со оформувањето на истата.

На 02.12.2009 по иницијатива на НВО Хуманост во просториите во Даре Џамбаз беше одржана средба и потпишани меморандуми за соработка со:

Сојузот на здруженијата на пензионерите на Македонија
Сојуз на телесно инвалидизираните лица на Македонија
Здружение на ветераните и резервистите од одбраната и безбедноста на Македонија
Центар за истаржување и креирање на политики
Црвен крст-Кисела Вода

Целта на оваа средба беше формирање на платформа на здруженија на граѓани кои целна група им се старите лица со следниве задачи:

Заедничко лобирање за донесување на законските регулативи за старите лица.
Заедничка борба за почитување на правата на старите лица , третирање на проблемите кои се однесуваат на истите.
Зедничко изнаоѓање на начините за финансирање на сервисите за нега во домашни услови.
Отварање на дневни центри и нивно финансирање.
Идно заедничко учество на проекти за користење на IPPA-фондовите.
Проширување на капацитетите за инстуционална заштита на стари лица

Од 15.11.09 до 20.11.09 беше одбележана Неделата за грижа на старите лица во соработка со Црвен крст-Кисела Вода каде што Хуманост во Општините Аеродром и Кисела Вода со донација од фирмите AWT INTERNACIONAL ( пакети за лична хигиена ) и Алкалоид (пакети чаеви)им ги доделе на старите лица кои ги посетија пензионерските клубови во овие Општини

Во Ноември 2009 год. беше потпишан меморандум за соработка помеѓу НВО Хуманост,НВО Мултикултура Тетово и Општина Тетово за спроведување на “Сервисот за давање нега во домашни услови” во Општина Тетово. Меморандуми за соработка како и идно проширување на “Сервисот за давање на нега во домашни услови “ беше потпишан и со Општините Чаир и Гази Баба.

На 30.10.2009 год. беше одржано Собрание на НВО Хуманост каде што беа примени новите членови во Здружението, промена во организациската структура и усвоена годишната програма на Здружението за 2010 год.

Во месец Окомври беа организирани регионални средби кои што ги реализираше Центарот за истражување и креирање на политики каде што НВО Хуманост го сподели искуствотосо присутните претставници на општините и невладините организации каде што беше претстваен и документарниот филм изработен од ЦИКП и запознавање на сите Општини во Р.Македонија за потребата од домашна нега, отварањето на Сервиси и Центри за давање на помош вo домашни услови на локално ниво како и нивно финансирање.

На 19.11.2009 год. Програмскиот Директор на Хуманост Сашко Јованов даде изјава за емисијата “Рано ден” на А1 телевизија даде каде што се збореше за активностите преземени од страна на НВО Хуманост за Недела на гриза на стари лица во соработка со Црвен крст –Кисела вода

На 17.11.2009 изјава за емисијата “Ходници “на А1 телевизија даде Програмскиот Директор на Хуманост Сашко Јованов каде што беше потенцирана работата на Сервисот како и колку од Општините се заинетресирани за воведувањето на Срвисот како и потребата од добро организирана домашна нега по префрлување на пациентите на лекување во домашни услови со воведување реформа во здраството Дијагностичко сродни групи.

На 26.11.2009 во емисијата “До пладне” со Весна Апасиева на SKY NET TV, гостуваа Програмскиот Директор на Хуманост Сашко Јованов и Ристе Змејковски од Центарот за истражување и креирање на политики., каде што се зборуваше за потребата од добро организирана домашна нега со воведување на Дијагностичко сродните групи во здравството.

На 06.10.2009 во емисијата “До Пладне” со Весна Апасиева на SKY NET TV. гостуваа Асистент координаторот Сашко Јованов и Соработникот за односи со јавноста Ивана Стојановска, во емисијата беше укажано за постигнатите резултати од пилот проектот “Сервис за давање нега во домашни услови” во Општина Аеродром

На 22.10.2009 год. Во емисијата ’’ Нешто убаво’’, со Марија Саздова на Сител ТВ гостуваше асистент координаторот Сашко Јованов и Елена Крстеска корисник на Сервисот во Општина Аеродром на 82 год. возраст со цел да ја искаже својата благодарност до Хуманост и подигнувањето на сликата добиена на поклон од редовен гледач на емисијата ‘Нешто убаво’.

На 17.09.2009 год. во емисијата ‘’ НЕШТО УБАВО’’СО Марија Саздова на Сител ТВ гостуваа проект координаторот на проектот ‘’Сервис за давање нега во домашни услови’’ Мери Терзиева Павловска , асистент координаторот Сашко Јованов , Соработник за односи со јавноста за Општина Аеродром Ивана Стојановска и Соработникот за односи со јавноста за Општина Чаир Лаура Невзати се со цел да се потенцира хуманоста и потребата од финансиска поддршка за Сервисот за нега во домашни услови.

Почнувајќи од 08.08.2009 година секој петок во емесијата „Добро утро Македонијо“ на МТВ, започна медумската кампања за потребата од вонинституционална социјална заштита и од Сервисот за давање помош во домашни услови, по еметувањето на секоја емисија заинтерисираноста на граѓаните стануваше се поголема за воведување на Сервисот и во нивните Општини. нов1

Неопходноста од хуманоста за проширување на проектот и во другите општини, ја потенцираа Асистентот на координаторот на проектот Сашко Јованов и Соработникот за односи со јавноста Ивана Стојановска на ден 24.07.2009 година во утринската емисија „Добро Утро Македонијо“ на Радио Скопје.

Во емисијата „Добро Утро Македонијо“ на МТВ на 03.08.2009 година гостуваа Асистент на координаторот на проектот Сашко Јованов и Соработник за односи со јавноста Ивана Стојановска. Во емисијата беше укажана на подршката од страна на градоначалникот на Општина Чаир за спроведување на проектот и во Општина Чаир.

Во емисијата „Здраво Македонијо“ на Kанал5 телевизија на 09.07.2009 година гостуваа асистентот на координаторот на проектот Сашко Јованов и соработникот за односи со јавноста Ивана Стојановска. Целта на гостувањето е апелирање до сите граѓани, подржувачи на овој хуманитарен проект да донираат за понатамошна и проширена мрежа на корисници.

Во емисијата „Рано ден“ на А1 Телевизија, на 02.07.2009 година изјави дадоа Социјалниот работник од Сервис за давање нега во домашни услови Јана Поповска, психологот Георгиевска Магдалена и д-р Билјана Јанчева. Социјалниот работник ја истакна неопходноста од неговата улога за утврдување на специфичните потреби од социјална заштита на секој корисник.

Со цел запознавање на граѓаните за хуманитарниот проект,како и за неопходното донирање на телефонските броеви 077/143-444 070/143-434, на 26.06.2009 година во емисијата „Портик“ на Алфа Телевизија гостуваа асистентот на координаторот на проектот Сашко Јованов и соработникот за односи со јавноста Ивана Стојановска.

На 19.06.2009 година во емисијата „Добро утро Македонијо“ на МТВ1 гостуваа координаторот на проектот „Сервис за давање нега во домашни услови“, г-ѓа Мери Терзиева и д-р Билјана Јанчева. Целта на гостувањето е информирање за потребата од Сервисот и услугите што ги нуди самиот сервис составен од доктори, медецински сестри, физиотерапевти, негувателки, социјален работник и психологот.

На 08.04.2009, 09.04.2009, 10.04.2009 година беа одржани обуките за негователки (геронто-домаќинки) за работа во центар за давање помош во домашни услови. Обуката беше спроведена од страна на ЈУ Заводот за социјална дејност, за потребите на Здружение за унапредување на условите за грижа и сместување на стари лица "Хуманост"- Скопје.

На ден 11.04.2009 година беше одржана обука на стручните кадри. Предавањето беше спроведено од страна на ЈУ Завод за социјална дејност, за потребите на НВО Хуманост.
Теми на предавањето:
1. Воспоставување на контакт старо лице-семејство
-Проценка на потребите на старо лице-семејство
-Подршка на старо лице од семејство
-Проценка на потреби и социјални услуги
-План за работа
-Извештај за остварени активности
-Мониторинг и евалуација
2.Тимска работа
-Комуникација

Беше одржана и промоција на проектот Сервис за давање помош во домашни услови реализиран од страна на НВО Хуманост.

На 04.04.2009 година беше одржана обука на стручните кадри организирана и координирана од страна на ЈУ Заводот за социјални дејности, за потребите на Здружението за унапредување на условите за грижа и сместување на стари лица "Хуманост" Скопје.
Теми на предавањето:
1.Системот на заштита на стари лица во Р.Македонија
2.Промените кај старите лица и форми на вонинституционална заштита:
-дневен центар за стари лица
-центар за давање помош во домашни услови

Проекти

Постоењето на Здружение за унапредување на условите за грижа и сместување на стари и изнемогнати лица „ХУМАНОСТ“ е иницирано од група граѓани, сегашни членови на Здружението, врз основа на идентичноста на нивните уверувања и хуманитарни погледи во однос на постоењето на потребата за унапредување на условите и можностите за остварување на грижа за стари и изнемогнати лица на територијата на град Скопје и пошироко во Земјата.

Реализирани проекти:

Здружението за унапредување на условите за грижа и сместување на стари и изнемогнати лица, со финансиска поддршка на Град Скопје, во период од 6 месеци ќе го реализира проектот ''Сеопфатно истражување и анализа на потребите за форми на згрижување на стари лица во град Скопје'', со што би се подобрил квалитетот на живот на старите лица преку предлагање на форми за социјална заштита, кои ќе нудат услуги соодветни на потребите на старите лица.
Со истражувањето ќе бидат опфатени 996 стари лица над 65 години во општините со висок процент на старо население во град Скопје и тоа на подрачјето на Општините: Центар, Карпош, Кисела Вода, Аеродром, Ѓорче Петров, Гази Баба, Чаир и Бутел.

„Големи и мали“

Здружението за унапредување на условите за грижа и сместување на стари и изнемогнати лица ‘’ХУМАНОСТ’’ од Скопје, од Јануари 2010 ќе започне со реализација на проектот ‘’ГОЛЕМИ И МАЛИ’’ со финансиска поддршка од Холандска амбасада!!!

Проектот е подржан од:

Проектот ќе се реализира со времетраење од една година, во детските градинки ‘’Снежана’’ (општина Чаир) и ‘’25 Мај’’ (општина Гази Баба). Проектот ‘’Големи и Мали’’ е наменет за децата од големите групи и 60 стари лица над 65 години. Два пати во месецот ќе се одржуваат креативни и тематски работилници кои се во согласност со планот и програмата на градинките и ги покриваат темите од секојдневниот живот на децата и возрасните. Целта на овој проект е негување на традиционалните и морални вредности и зајакнување на социјалните врски помеѓу децата и старите лица. Проектот ќе биде реализиран од професионалниот тим на НВО ‘’Хуманост’’

Проектот е подржан од:
Гери Медикал

"Да го направиме Јосифово подобро место за живеење"

Со проектот се предвидени две активности во месецот, бесплатни акции (проверување на крвна слика, шеќер во крвта, витамини и минерали ), како и предавање од стручно лице ( доктор, социјален работник, NLP практикант) на различни теми кои се значајни за населението и кои ќе доведат до подобрување на културно-општествениот живот во Јосифово.Проектот ќе се реализира шест месеци и завршува во Јули 2010 година.

Проектот е подржан од:

„Сервис за давање помош во домашни услови“

Започна со реализација Април 2009 година заврши во Септември 2009 година

Сервисот за давање помош во домашни услови претставува вонинституционален облик на социјална заштита, насочен кон обезбедување на услуги во домовите на старите лица на кои им е потребна континуирана психо-социјална и медецинска нега.

Основна цел е обезбедување на помош и подршка на лицата кои поради старост или тешко заболување не се во состојба да се грижат за себе и не можат самостојно да ги задоволат своите животни потреби, а немаат никој кој би можел да им помогне во тоа.

Корисници на сервисот за нега во домашни услови беа стари лица над 65 години, лица во терминален стадиум на болеста и нивните семејства.

Сервисот го опслужуваа тим од доктори, медецински сестри, негователки(геронто-домаќинки), физиотерапевти, социјален работник и психолог.

Негователките геронто-домаќинките и социјалниот работник работеа од понеделник до петок по осум часа на ден.

Докторите,медецинските сестри, физиотерапевтите и психологот работеа пет дена во неделата по два часа.

Услугите на сервисот беа бесплатни за корисниците!

Сервисот започна со својата работа на 13.04.2009 година на подрачјето на општина Аеродром во Скопје и заврши со своите активности во месец Септември 2009 година.

Проектот беше во соработка со Домот за стари лица Терзиева, Министерството за труд и социјална политика, Заводот за социјални дејности и поддржан од: